Qyzylorda oblystyq densaýlyq saqtaý basqarmasynyń basshysy taǵaıyndaldy
QYZYLORDA. KAZINFORM – Búgin Qyzylorda oblysynyń ákimi Nurlybek Nálibaev oblys aktıvine oblystyq densaýlyq saqtaý basqarmasynyń jańa basshysyn tanystyrdy. Memlekettik qyzmet isteri agenttiginiń kelisimi negizinde bul laýazymǵa Almas Ábilpatta taǵaıyndaldy.
Almas Ábilpatta 1987 jyly dúnıege kelgen. Qaraǵandy memlekettik medıtsına ýnıversıtetinde emdeý isi mamandyǵy boıynsha bilim alǵan. Ál-Farabı atyndaǵy Qazaq ulttyq ýnıversıtetiniń densaýlyq saqtaýdaǵy iskerlik ákimshilendirý magıstri.
Eńbek jolyn oblystyq medıtsına ortalyǵynda qabyldaý bólimshesiniń hırýrg-dárigeri retinde bastaǵan. Ár jyldary oblystyq kópbeıindi aýrýhananyń hırýrg-dárigeri, bas dárigerdiń hırýrgııa jónindegi orynbasary bolyp eńbek etken.
2023 jyldan osy kezge deıin Shıeli aýdandyq kópbeıindi ortalyq aýrýhanasynyń bas dárigeri qyzmetin atqaryp keldi.
Búgin sondaı-aq Almaty oblysy ákiminiń ókimimen Іshki saıasat basqarmasynyń basshysy laýazymyna Tólegen Kenjebekov taǵaıyndaldy.
