Qyzylorda oblysynyń turǵynynan 7 mln teńge bopsalaǵan uıymdasqan top músheleri ustaldy
Polıtseıler Qyzylorda oblysynyń turǵynyn áleýmettik jelilerde jeke sıpattaǵy málimetterdi jarııalaımyn dep qorqytqan bopsalaýshylar tobyn ustady.
Kúdiktiler derekterdi jarııa etpeý úshin jábirlenýshiden 7 mln teńge talap etken, dep habarlaıdy Kazinform Polisia.kz saıtyna silteme jasap.
Osy fakti boıynsha Qyzylorda oblysynyń uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizip, nátıjesinde kúdikti retinde 34, 32, 22 jastaǵy oblys turǵyndaryn ustady. Aıǵaq zat retinde olardan aqsha, belgi beretin tapansha jáne jalǵan qyzmettik kýálik alyndy.
Qazirgi tańda jábirlenýshiniń namysyna tıetin aqparatty taratamyn dep qorqytyp, aldyn ala sóz baılasý arqyly bir top adam jasaǵan bopsalaý faktisi boıynsha sotqa deıingi tergeý amaldary bastaldy.
Kúdiktiler ýaqytsha ustaý ızolıatoryna qamaldy.
