Qyzylorda oblysynyń turǵyny Qyzyl kitapqa engen suńqarlardy zańsyz aýlaý kezinde ustaldy
ASTANA. KAZINFORM - ІІM Qyzylorda oblysynyń turǵyny Qyzyl kitapqa engen suńqarlardy zańsyz aýlaý kezinde ustalǵanyn málimdedi.
«Er adamdy Qyzylorda oblysy Polıtsııa departamentiniń jáne „Ohotzooprom“ÓB» RMQK-nyń Qyzylorda óńirlik fılıaly ınspektorlary prokýratýranyń úılestirýimen ótkizilgen jedel is-shara barysynda ustady. Ol «Qyzyl kitapqa» engen suńqarlardy shetelge satý maqsatynda zańsyz aýlaǵan», — dep jazdy quzyrly organnan.
Turǵynnyń úıine tintý júrgizý barysynda suńqar tektes 2 qus alyndy. Qazirgi tańda qustar Shymkent zoologııalyq saıabaǵyna tapsyryldy.
Bul derek boıynsha qylmystyq is qozǵalyp, sotqa deıingi tergep-tekserý áreketteri júrgizilýde.
Eske sala keteıik, buǵan deıin Shymkent zoobaǵynda sırek kezdesetin erekshe janýar tóldegen bolatyn.
