Qyzylorda oblysynyń turǵyny 7 jasar týǵan qyzyn zorlamaq bolǵan
Qyzylorda oblysy Qazaly aýdanynda 7 jasar qyzyn zorlaýǵa árekettengen turǵyn ustaldy, dep habarlaıdy Kazinform.
Bul jóninde áleýmettik jelide jazyldy.
Oqıǵa Qazaly aýdanynyń ortalyǵy – Áıteke bı kentinde bolǵan. Túski mezgilde týǵan ákesi 7 jastaǵy qyzyn zorlaýǵa árekettengen. Qaryndasyn 6-synypta oqıtyn aǵasy qutqaryp qalǵan.
Oqıǵanyń bolǵanyn oblystyq polıtsııa departamentiniń baspasóz qyzmeti rastady. Ol jóninde tómendegishe túsinikteme berdi.
«Atalǵan derek boıynsha Qazaly aýdanynyń turǵyny aryz túsirdi. Aryzdyń negizinde Qazaly aýdandyq Polıtsııa bóliminiń sotqa deıingi tergep-tekserýleriniń biryńǵaı tizilimine QR Qylmystyq kodeksiniń 124-babynyń 2-bóligimen qylmystyq is tirkeldi. Qazir sotqa deıingi tergep-tekserý amaldary júrgizilýde.
Kúdikti azamat Polıtsııa bólimine qamaldy. Ic boıynsha qajetti saraptamalar taǵaıyndaldy. Oqıǵanyń mán-jaıy anyqtalýda.
QR Qylmystyq-protsestik kodeksiniń 201-babynyń talabyna sáıkes, ári qaraı sotqa deıingi tergep-tekserý derekterin jarııa etýge jol berilmeıdi», - dep atap ótti vedomstvodan.
Eske salsaq, budan buryn iri kompanııadan 33 mln teńgeni alaıaqtyq jolmen zańsyz ıelengen azamat ustaldy.
