Qyzylorda oblysynyń turǵyndaryna bergen ýádemizdi oryndap kele jatyrmyz – óńir ákimi
ASTANA. KAZINFORM – Qyzylorda oblysynda qomaqty somadaǵy tıimsiz shyǵystar anyqtaldy. Bul týraly Jibek Joly telearnasynyń «Ýáde» baǵdarlamasynda atalǵan óńirdiń ákimi Nurlybek Nálibaev málim etti.
– Sybaılas jemqorlyqpen barynsha kúresip jatyrmyz. Ásirese, áleýmettik salaǵa erekshe ekpin qoıylǵan. Keıingi úsh jylda bul salada shamamen 100 teńge qarajatty únemdedik. Onyń ishinde bilim, mádenıet jáne sport baǵyttary bar, - dedi N. Nálibaev.
Únemdelgen qarajat óńirdiń áleýmettik ınfraqurylymyn damytýǵa, az qamtylǵan otbasylardy qoldaý, sondaı-aq basqa da basym mindetterge baǵyttaldy.
– Únemdelgen 100 mlrd teńge boıynsha Qyzylorda oblysynda «Áleýmettik salaǵa baǵyttalǵan bıýdjet qarajatyn tıimdi paıdalaný» taqyrybynda respýblıkalyq semınar-keńes ótti. Osy oraıda Úkimet basshysynyń tapsyrmasymen bizdiń óńirge mınıstrler, vıtse-mınıstrler, sondaı-aq barlyq oblystardaǵy ákim orynbasarlary keldi. Іs-sharaǵa 300-den astam keldi. Jıyn barysynda qarajat únemdeýge qatysty tájirıbe almastyq, - dedi óńir ákimi.
Sonymen qatar ol óńirde birneshe jyl buryn sapasyz tapsyrylǵan áleýmettik nysandardy jaýapty qurylys kompanııalary qaıtadan salǵanyn aıtty.
– Buǵan deıin óńir turǵyndaryna bergen ýádemizdi oryndap kelemiz dep aıta alamyn. Atap aıtqanda, jospar tıisti merzimine qaraı júzege asyrylatyn bolady, - dedi Nurlybek Nálibaev.
Aıta keteıik, bıyl 10 aıda Qyzylorda oblysyndaǵy qurylys jumysyna bólingen qarjy kólemi 235 mlrd teńgege jetti.