Qyzylorda oblysynyń sanıtarııalyq-epıdemıologııalyq baqylaý departamentine basshy taǵaıyndaldy

QYZYLORDA. KAZINFORM - QR Densaýlyq saqtaý mınıstrliginiń buıryǵymen bul qyzmetke Syzdyqova Gúlmıra Jambylqyzy keldi.

Gúlmıra Jambylqyzy 1969 jyly Qyzylorda qalasynda dúnıege kelgen. 1987 jyly Qyzylorda memlekettik medıtsınalyq ýchılışesinde «Emdeý isi, feldsher» mamandyǵy boıynsha bilim alsa, 1995 jyly Qaraǵandy memlekettik ınstıtýtyn «Medıko-profılaktıkalyq is» mamandyǵy boıynsha bitirgen.

Alǵashqy eńbek jolyn 1987 jyly Qyzylorda temir jol SES-inde parazıtologııa bóliminiń dezınstrýktory bolyp bastap, ári qaraı laborant-hımık, kommýnaldyq gıgıena boıynsha sanıtar dárigerdiń kómekshisi qyzmetterin atqardy.

1995-1998 jyldar aralyǵynda Aral aýdandyq SES-inde dezınfektsıonıst-dáriger qyzmetinde boldy.

1999-2017 jyldar aralyǵynda Qyzylorda qalalyq SES-te óndiris gıgıenasy, balalar jáne jasóspirimder gıgıenasy, jalpy sanıtarııalyq qaǵadaǵalaý, taǵam nysandaryn qadaǵalaý baǵyttary boıynsha bas mamannan bólim basshysyna deıin satylap kóterildi.

2017-2023 jyldar aralyǵynda Qyzylorda qalalyq SEBB basshysynyń orynbasary, 2023 jyldan basshysy qyzmetin atqardy.

Eske salsaq, budan buryn atalǵan qyzmette bolǵan Dınara Oljabaıqyzy Jańabergenova BQO sanıtarııalyq-epdemıologııalyq baqylaý departamentiniń basshysy laýazymyna taǵaıyndaldy.