Qyzylorda oblysynyń polıtsııa bóliminde alǵashqy kitaphana ashyldy
QYZYLORDA. KAZINFORM — 23 sáýir — Ulttyq kitap kúnine oraı Qyzylorda oblystyq polıtsııa departamentiniń Jalaǵash aýdandyq bóliminde alǵash ret kitaphana ashyldy.
Uıymdastyrýshylar kitaphana tártip saqshylarynyń bilimine bilim qosady dep úmittenedi. Sharaǵa shaqyrylǵan polıtsııa bólimi bastaýysh ardagerler uıymynyń músheleri jáne bólim basshylyǵy kitaphanaǵa kitaptar syılady. Syıǵa tartylǵan kitaptar oqý zalyndaǵy arnaıy kitap buryshyna ornalastyryldy.
Kitap syılaýshylar jas polıtsııa qyzmetkerlerine birneshe kitaptyń mazmunyn áńgimelep, olarǵa qyzmetten bos ýaqytta kitap oqyp, rýhanı-tanymdyq kókjıegin keńeıtýge keńes berdi.
Kitaphana qoryn taǵy jańa kitaptarmen, tanymdyq basylymdarmen tolyqtyrý josparlanyp otyr.
Al jýyrda Qyzylordada dástúrli «Ádebı avtobýs» jobasy aıasynda «Kitap QALA» atty merekelik shara ótti. Qalalyq ortalyqtandyrylǵan kitaphanalar júıesi ony 23 — sáýir Ulttyq kitap kúnine arnady.