Qyzylorda oblysynyń kásipkerlik jáne ónerkásip basqarmasyna jańa basshy keldi
Oblystyq biryńǵaı konkýrstyq komıssııasynyń sheshimi jáne oblys ákiminiń ókimimen Qyzylorda oblysynyń kásipkerlik jáne ónerkásip basqarmasynyń basshysy qyzmetine Dinmuhamed Bolatuly Ábsattarov taǵaıyndaldy, dep habarlaıdy Kazinform.
Dinmuhamed Bolatuly 1978 jyly Qyzylorda oblysynda dúnıege kelgen.
M.Tynyshbaev atyndaǵy Qazaq kólik jáne kommýnıkatsııalar akademııasyn «temirjol kóligindegi ekonomıka jáne menedjment», Qorqyt ata atyndaǵy Qyzylorda memlekettik ýnıversıtetin «munaıshy-ınjener» mamandyqtary boıynsha bitirgen.
Eńbek jolyn 2000 jyly «Aqtóbe hrom qosyndylary zaýyty» aktsıonerlik qoǵamynyń ekonomısi retinde bastaǵan.
2002-2006 jyldary Jalaǵash, Qyzylorda oblysy ákimi apparattarynda túrli deńgeıdegi laýazymda qyzmette boldy.
2006-2010 jyldary Qyzylorda oblysynyń kásipkerlik jáne ónerkásip basqarmasy basshysynyń orynbasary, basqarma basshysy, 2010-2012 jyldary QR Kólik jáne kommýnıkatsııa mınıstrligi kólik joldary komıtetiniń Qyzylorda oblysy boıynsha departamenti dırektorynyń orynbasary, Ońtústik Qazaqstan oblysynyń kásipkerlik jáne ónerkásip basqarmasynyń basshysy bolǵan.
2012-2020 jyldary «Atameken» ulttyq kásipkerler palatasynyń basqarýshy dırektory, Almaty qalasy men Qyzylorda, Túrkistan oblystarynyń kásipkerler palatasyn basqarǵan.
2020-2021 jyldary «Qorǵas» shekara mańy yntymaqtastyǵy halyqaralyq ortalyǵy arnaıy ekonomıkalyq aımaǵynyń basqarýshy kompanııasy» aktsıonerlik qoǵamynyń basqarma tóraǵasy bolǵan.
2021-2023 jyldary «QazExpoCongress» Ulttyq kompanııasy» aktsıonerlik qoǵamy basqarma tóraǵasynyń orynbasary qyzmetin atqarǵan.
2023 jyldyń naýryz aıynan bastap «Yevniy Consulting Group» kompanııasynda basshylyq qyzmette boldy.
Eske salsaq, budan buryn Qyzylorda oblysy bilim basqarmasynyń basshysy taǵaıyndaldy.
