Qyzylorda oblysynyń ákimi temirjol vokzalynyń jóndeý jumystarymen tanysty
Qyzylorda oblysynyń ákimi Nurlybek Nálibaev QR Parlamenti Senatynyń depýtaty Rýslan Rústemov, Májilis depýtaty Murat Ergeshbaevpen birge qaıta jańǵyrtýdan ótken temirjol vokzalyna bardy, dep habarlaıdy Kazinform.
Tarıhı ǵımaratty qaıta jańǵyrtýǵa «Qazaqstan Temir Joly» kompanııasynan 322 mln teńge jáne jergilikti kásipkerlerdiń demeýshiligi esebinen 255 mln teńge qarjy bólindi.
Eskızdik jobaǵa sáıkes ǵımarattyń syrtqy betine travertın plıtalaryn montajdaý, shatyryn, múmkindigi shekteýli azamattarǵa arnalǵan pandýstardy, sýaǵardy, sý, káriz jáne jylý júıelerin jóndeý, qala jaq betin kógaldandyrý jumystary júrgizildi. Іshki bólmelerine jóndeý jasaldy.
Munan bólek, 2 jolaýshylar platformasyna jańadan asfalt tóselip, tórt kózdi 10 jaryq sham ornatyldy.
Ekinshi ǵımarat ta ádemi keıipke enip, ákimshilik ǵımaratynyń syrty árlendi, esikteri aýystyryldy, 200 sharshy metr shatyry jóndeldi. Jergilikti kásipkerlerdiń demeýshiligimen perron jáne avtoturaq asfalttalyp, jaryq shamdar qoıyldy. Oǵan qosa vokzal mańyndaǵy nysannyń syrtqy qasbeti qaptaldy.
