Qyzylorda oblysynyń ákimi Murat Ergeshbaev Quryltaı saılaýynda daýys berdi
QYZYLORDA. KAZINFORM — Búgin oblys ákimi Murat Ergeshbaev «Quzyrettilik ortalyǵyndaǵy» № 222 saılaý ýchaskesine baryp, Qazaqstan Respýblıkasy Quryltaı depýtattarynyń saılaýynda daýys berdi. Turǵyndarmen kezdesip, pikirlerin tyńdady.
«Jyl basynda Syr boıynda ótken Ulttyq quryltaıdyń qorytyndy besinshi otyrysynda Prezıdentimiz elimizdiń aldaǵy strategııalyq baǵytyn aıqyndap, konstıtýtsııalyq reformalardy usynǵan bolatyn.
Jalpyhalyqtyq referendým arqyly qabyldanǵan jańa Konstıtýtsııamyz asa aýqymdy qoǵamdyq-saıası úderisterge jol ashyp, memlekettik basqarý júıesin jańǵyrtýǵa múmkindik berdi.
Búgin ótip jatqan Quryltaı depýtattarynyń saılaýy — Ádiletti ári Qýatty Qazaqstannyń jańa baǵdaryn aıqyndaıtyn tarıhı oqıǵa.
Jańa Quryltaı Parlamenttik júıeniń tarıhı sabaqtastyǵyn saqtap, egemen elimizdiń jarqyn bolashaǵyna qyzmet etedi. Syr jurtshylyǵy elimizdiń erteńine beıjaı qaramaı, búgingi saılaýǵa da belsendi qatysady dep senemin», — dedi Murat Nálqojauly.
Qyzylorda oblysynda 500 591 daýys berýshi tizimge engizilgen, 386 ýchaskede 2720 komıssııa múshesi qyzmet atqarady.
Qyzylorda qalasynda 132 ýchaske bar.
