Qyzylorda oblysyndaǵy jol boıy servıstik obektileri qashan Ulttyq standartqa sáıkestendiriledi

Qyzylorda oblysynyń ákimi Nurlybek Nálibaev óńirdegi jol boıyndaǵy servıstik obektiler qashan Ulttyq standarttarǵa sáıkes keltiriletindigin aıtty, dep habarlaıdy Kazinform.

Búgin Úkimet otyrysynda Premer-Mınıstr Álıhan Smaıylov Qyzylorda oblysynyń ákiminen: «Jol boıyndaǵy servıstik obektilerdi Ulttyq standarttarǵa sáıkes keltirý úshin qandaı sharalar qabyldanyp jatyr?», - dep suraǵan edi.

Onyń atap ótýinshe, Qyzylorda oblysy boıynsha Batys Eýropa – Batys Qytaı halyqaralyq avomobıl dáliziniń boıynda 53 servıstik obekti jumys istep tur.

«Onda 1 050 adam jumyspen qamtylǵan. Atqarylǵan jumystardyń nátıjesinde 47 obekti Ulttyq standarttarǵa sáıkestendirildi. Bul 88,6 paıyzdy quraıdy. Qazirgi tańda respýblıka boıynsha Qyzylorda oblysy alǵashqy úshtikke kiredi. Barlyq obekti Internetke qosylǵan jáne Google Maps, ıAndeks karta júıelerine engizilgen. Búginde 2004 jyldary salynǵan, standarttarǵa saı emes 6 keshen boıynsha tıisti jumys jasalyp jatyr. 2 nysan jyl sońyna deıin, al qalǵan 4 nysan kelesi jyldyń basynda retke keltiriledi. Aldaǵy ýaqytta boı kóteretin jol servıstik obektilerdiń standartqa saı bolýyn qamtamasyz etemiz», - dedi Nurlybek Nálibaev.