Qyzylorda oblysyndaǵy jol bóliginde kólik qozǵalysy shektelip, ShQO-da jol ashyldy

ASTANA. KAZINFORM — Búgin saǵat 21:00–de aýa raıynyń qolaısyzdyǵyna baılanysty baılanysty «RF shekarasy — Martók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1474-2000 shaqyrym aralyǵynda (Áıteke bı aýylynan Jańaqorǵan aýylyna deıin) barlyq kólik túrleriniń qozǵalysyna shekteý qoıyldy.

«QazAvtoJol» mekemesiniń habarlaýynsha, atalǵan joldy 6 jeltoqsan kúni tańǵy saǵat 07:00–de ashylady. 

Al Shyǵys qazaqstan oblysynda saǵat 21:00–de respýblıkalyq mańyzy bar «Óskemen — Altaı — Úlken Naryn — Qatonqaraǵaı — Rahman qaınary» avtojolynyń 6-166 shaqyrym aralyǵyndaǵy ýchaskesinde (Ýshanovskoe aýylynan Altaı qalasyna deıin) jeńil kólikter úshin qozǵalys ashyldy. 

Degenmen aýyr jáne qoǵamdyq kólikter úshin shekteý saqtalady.

Osyǵan deıin boran, kóktaıǵaqqa baılanysty Shyǵys Qazaqstandaǵy joldardyń biri jabylǵany týraly habarladyq.