Qyzylorda oblysyndaǵy ǵasyrdan astam tarıhy bar vokzal jóndeledi
QYZYLORDA. KAZINFORM – Qyzylorda oblysyndaǵy Qazaly temirjol vokzalyna jóndeý jumystary júrgiziledi.
Ǵasyrdan astam tarıhy bar ǵımaratty qaıta jańǵyrtý úshin «Qazaqstan temir joly» UK» AQ 861,2 mln teńge bóledi. Bul jumys sáýir aıynda bastalmaq.
Al búginde vokzal mańyndaǵy temirjol ústinen ótetin jaıaý júrginshiler kópiriniń qurylysy júrip jatyr. Oǵan kompanııadan 1,3 mlrd teńge qarjy bólingen.
— Kópir arqyly Qazaly aýdanynyń Áıteke bı kentinen temirjoldyń arǵy betine kúnine 500-den astam turǵyn qatynaıdy. Soǵan sáıkes vokzal ǵımaratyn qaıta jańǵyrtýmen qatar kópir qurylysyn da tezirek, sapaly aıaqtaýǵa mán beriledi. Bul jumystarǵa ákimdik tarapynan jan-jaqty qoldaý kórsetiledi, - dedi aýdan ákimi Meırambek Shermaǵanbet.
Eske sala keteıik, bıyl elimizde 5 temirjol vokzalynda jóndeý jumystary aıaqtaldy.