Qyzylorda oblysyndaǵy bilim berý ortalyǵynda bolǵan órtten 60 adam evakýatsııalandy

QYZYLORDA. KAZINFORM - Qyzylorda oblysy Aral aýdanyndaǵy olımpıada bilim berý ortalyǵy órtenip, tilsiz jaýdan 60 adam evakýatsııalandy. 

13 sáýirde saǵat 04.27-de Aral aýdanyna qarasty Qamystybas eldi mekenindegi «Qambash olımpıada bilim berý ortalyǵy» monshasynda órt shyqqan. Onda ishki aǵash qaptamalary janǵan.

«Ortalyqta bolǵan 60 adam óz kúshimen evakýatsııalandy. Órt saǵat 05.40-de tolyq sóndirildi. Qaza bolǵandar men zardap shekkender joq. Órttiń shyǵý sebebi anyqtalyp jatyr. Oqıǵa ornynda oblystyq tótenshe jaǵdaılar departamenti jáne departamenttiń jedel-qutqarý jasaǵynan 12 qyzmetker men 3 tehnıka jumys istedi», - dedi oblystyq tótenshe jaǵdaılar departamentinen.