Qyzylorda oblysyndaǵy Aral shógindi basseıninen munaıdyń mol qory tabyldy

QYZYLORDA. KAZINFORM — Qyzylorda oblysynda mamandar munaı qoryn tolyqtyrý jáne perspektıvaly ýchaskelerdi anyqtaýǵa den qoıdy. Bul týraly oblystyq kásipkerlik jáne ónerkásip basqarmasynan habarlady. 

Respýblıkalyq bıýdjet esebinen Aral shógindi basseıninde (Batys jáne Shyǵys ýchaskelerinde) geologııalyq zertteý jumysy aıaqtaldy. Nátıjesinde 1,1 mlrd tonna kómirsýtektiń boljamdy resýrsy anyqtaldy. Energetıka mınıstrligi ony ıgerý baǵytyndaǵy is-sharalardy aýktsıon arqyly áleýetti ınvestorlarǵa usynady.

— 2024 jyly Syrdarııa shógindi basseınin zertteý bastaldy. Jumys 3 jylǵa josparlanǵan, 2027 jyly aıaqtalady. Merdiger — «Azımýt Geologııa» seriktestigi, joba quny — 4,3 mlrd teńge. Jalpy zertteý jumysynyń kólemi 3 100 shaqyrymǵa sozyldy, onyń ishinde Qyzylorda oblysyna tıesili bóligi —1 575 shaqyrym (Jańaqorǵan jáne Shıeli aýdandary). «Saýts oıl» seriktestigi «Qumkól» ken ornynyń Qaraǵansaı ýchaskesinde dástúrli emes kómirsýtekti, ıaǵnı taqtatas munaıyn ıgerýge kiristi, — dedi basqarma basshysy Móldir Táýipbaeva. 

Іrgeli iske Qytaıdan mamandar tartyldy. Olar jańa óndirý ádisine kóshti. Joba boıynsha táýligine 70 nemese jylyna 25 myń tonna munaı óndirilýi qajet.

Eske salaıyq, jýyrda QR Energetıka mınıstrligi Teńiz ken ornynda óndiristik operatsııalardyń qaıta bastalǵanyn habarlady.