Qyzylorda oblysyndaǵy 43 aýylda sońǵy 3 jylda birde-bir qylmys tirkelmegen

QYZYLORDA. KAZINFORM – Profılaktıkalyq is-sharalar nátıjesinde Qyzylorda oblysynda jyl basynan beri quqyqbuzýshylyqtar sany 7,2%-ǵa azaıdy. Bul týraly oblystyq polıtsııa departamentiniń baspasóz qyzmeti habarlady.

Onyń ishinde onsha aýyr emes jáne aýyrlyǵy ortasha, aýyr jáne asa aýyr qylmystar, mal urlyǵy men buzaqylyq tómendegen. Sondaı-aq qoǵamdyq oryndarda, kóshelerde, mas kúıinde jasalǵan jasalǵan qylmystar sany kemigen.

Іshimdiktiń kesirinen bolatyn qylmystardyń aldyn alý baǵytyndaǵy jumys tıimdiligin kórsetip otyr.

– Prokýratýra, din ókilderin, aýyl aqsaqaldaryn, belsendi jastar men aýyldyq okrýg ákimderin tartý arqyly kásiptik nysan ıelerine alkogoldiń zııany men saldaryn túsindirý jumystary úzdiksiz júrgizilip keledi. Sonyń nátıjesinde oblystaǵy 12 eldi mekendegi dúkenderde alkogol satylmaıtyn boldy. Aral aýdanynyń Sazdy, Qosjar, Jańaqurylys, Qazaly aýdanynyń Ajar, Qarmaqshy aýdanynyń Iirkól, Jalaǵash aýdanynyń Tań, Eńbek, Syrdarııa aýdanynyń Jetikól, Shıeli aýdanynyń Jıdeliaryq, Jańaqorǵan aýdanynyń Qosúıeńki, Manap, Ózgent aýyldary ishimdikten bas tartty, - delingen habarlamada.

Polıtsııa málimdegendeı, óńirdegi 43 eldi mekende sońǵy 3 jylda birde-bir qylmys tirkelmegen.

Al Aqtóbe oblysynda 33 aýyl ishimdikten bas tartqan bolsa, keıingi kezde onyń 26-synda qylmys tirkelmegen.