Qyzylorda oblysyndaǵy 2 aýdanda ákim saılaýynda 70 myńnan astam adam tańdaý jasaıdy

Qyzylorda oblysynda Syrdarııa jáne Shıeli aýdandarynda ótetin ákim saılaýynda 70 myńnan astam adam tańdaý jasaı alady, dep habarlaıdy Kazinform. 

Qyzylorda oblysynda 5 qarashada Syrdarııa jáne Shıeli aýdandarynda ákim saılaýy ótedi. Bul maqsatta Syrdarııada – 18, Shıelide 40 ýchaskelik komıssııanyń 388 múshesi jumys atqarady.

«Qos aýdanda 70 myńnan astam saılaýshy tirkelgen. Olar úshin úıden daýys berý múmkindigi de qarastyrylǵan. Ol úshin jergilikti turǵyn aldyn ala ótinish berýi kerek. Ýchaskelik komıssııa músheleri tasymaldanatyn jáshikpen birge saılaýshynyń úıine baryp, onyń daýys berýine múmkindik jasaıdy. Alǵash ret daýys beretin azamattarǵa arnaıy syılyqtar uıymdastyrylady. Saılaý komıssııalarynyń málimeti boıynsha 2 aýdanda 1011 azamat alǵash ret daýys berýge qatysady. Onyń 694-y Shıeli, 317-i Syrdarııa aýdanynda turady. Sondaı-aq pılottyq saılaý ótetin aýdandarda 5 qarasha kúni 18 jasqa tolatyn 5 azamat bar. Olar da óz konstıtýtsııalyq quqyǵyn paıdalana otyryp daýys bere alady», - dep málim etti oblystyq saılaý komıssııasynan.

Árbir saılaýshy óz ýchaskesin saılaý kúnine deıin arnaıy platforma arqyly anyqtaı alady. Ol úshin árbir azamat saylau.orda.gov.kz saıtyna kirse jetkilikti.

Eske salsaq, eki aýdanǵa kandıdat retinde 6 azamat tirkeldi. Olardyń barlyǵy da joǵary bilimdi, memlekettik qyzmettiń túrli satysynan ótken.