Qyzylorda oblysynda júk poıyzy 11 qoıdy qaǵyp ketti
QYZYLORDA. KAZINFORM — Qyzylorda oblysynda júk poıyzy 11 qoıdy qaǵyp ketti.
Oqıǵa Qyzylorda oblysynyń Jańaqorǵan aýdanyndaǵy № 26 razezd aýmaǵynda bolǵan.
Júk poıyzynyń mashınısi temir jolda usaq maldyń bolýyna baılanysty shuǵyl tejeýdi basqan.
«Oqıǵa barysynda 11 bas qoı poezdyń astyna túsken. Josparlanbaǵan poıyz turaǵy 10 mınýtty qurady. Tekserý barysynda Qyzylorda stantsııasyndaǵy jelilik polıtsııa bóliminiń qyzmetkerleri qoılardyń ıesi 32 jastaǵy azamatty anyqtady. Er adam temirjolǵa bólingen jolaqta mal jaıý erejesin buzǵany úshin ákimshilik jaýapkershilikke tartyldy» dep málim etti Qyzylorda stantsııasyndaǵy jelilik polıtsııa bóliminen.
Kólik polıtsııasynyń qyzmetkerleri sharýa qojalyqtarynyń ıelerine qaýipsizdik sharalary týraly taǵy da eskertedi.
Temirjol mańynda mal jaıý kezinde muqııat bolýdy suraıdy.
Eske salsaq, budan buryn Qyzylorda oblysynda 11 jyl izdeýde bolǵan qylmysker qolǵa túsken edi.
