Qyzylorda oblysynda júk kóliginiń tirkemesi avtobýsqa soqtyǵysyp, 4 adam jaraqat aldy

Qyzylorda oblysynda júk kóliginiń tas tıelgen tirkemesi bosap ketip, qarsy baǵytta kele jatqan avtobýsqa soqtyǵysqan. Oqys oqıǵa saldarynan dene jaraqatyn alǵan 4 adam aýrýhanaǵa jetkizildi, dep habarlaıdy Kazinform. 

Oqıǵa 26 qarashada, saǵat 18:50 shamasynda Jalaǵash aýdany, Aqqum aýyly tusynda «Shymkent-Samara» tas joly boıynda bolǵan.

«Tas jol boıynda «KaMAZ» júk kóliginiń tas tıelgen tirkemesi bosap ketken. Saldarynan júk kóliginiń tirkemesi qarsy baǵytta Shymkent qalasyna bara jatqan avtobýsqa soqtyǵysqan. Oqıǵa barysynda 4 adam túrli dene jaraqatymen aýdandyq aýrýhanaǵa jetkizildi. Oqıǵa boıynsha QR Qylmystyq kodeksiniń 345-baby 2-bóligimen qylmystyq is tirkelip, tergep-tekserý amaldary júrgizilýde», - dep málim etti Qyylorda oblystyq polıtsııa departamentinen.

Eske salsaq, budan buryn Qyzylordada joq kólikterdi satqan 27 jastaǵy áıel qolǵa tústi.