Qyzylorda oblysynda JRVI-diń 72,5 myńnan astam jaǵdaıy tirkeldi

QYZYLORDA. KAZINFORM - 2025-2026 jylǵy epıdmaýsym bastalǵaly beri Qyzylorda oblysynda jedel respıratorly vırýsty ınfektsııanyń  72 618  jaǵdaıy esepke alyndy. Bul týraly oblystyq sanıtarııalyq-epıdemıologııalyq qadaǵalaý departamentiniń baspasóz qyzmeti málimdedi. 

Aýyrǵan adamdardyń 70%-y – 14 jasqa tolmaǵan balalar. Dert juqtyrǵandardyń 4%-y aýrýhanaǵa jatqyzylǵan. 833 naýqastyń synamasy PTsR ádisimen tekserilip, nátıjesinde zerthanalyq jolmen A tıpti (H3N2)176 tumaý aýrýy naqtylandy.

- Aýrýdyń aldyn alýdaǵy tıimdi ári senimdi sharalardyń biri — vaktsınatsııa. Osy epıdmaýsymǵa 85006 doza vaktsına satyp alynyp, 84 myńǵa jýyq tıisti konıtıngentke tumaýǵa qarsy vaktsına júrgizildi. Onyń 23466-sy — balalar, 60531-i — eresekter. Sonymen qatar jumys berýshiler tarapynan 2000 doza satyp alynyp, osynsha ekpe júrgizildi. Reseı Federatsııasy esebinen qosymsha Baıqońyr qalasynyń 3360 turǵyny ekpemen qamtyldy. Epıdmaýsymda uzyn sany 89419 adamǵa vaktsına egildi. Bul — oblys turǵyndarynyń 10,3%-y, - delingen habarlamada. 

Synama zertteý nátıjesinde tumaý tıpine jatpaıtyn 20 vırýs anyqtaldy. Onyń basym bóligi — rınovırýs. 

Buǵan deıin biz Shyǵys Qazaqstanda sońǵy úsh aıda 125 myńnan astam adam JRVI juqtyrǵanyn jazǵanbyz.