Qyzylorda oblysynda jol-kólik apatynan bir adam qaıtys bolyp, bes adam jaraqat aldy

QYZYLORDA. KAZINFORM — Qyzylorda oblysynda jol-kólik apatynan bir adam oqıǵa ornynda qaıtys bolyp, bes adam dene jaraqatymen aýrýhanaǵa jatqyzyldy.

Oqıǵa 20 shildede «Samara-Shymkent» tas jolynyń Syrdarııa aýdany Shaǵan eldi mekeni tusynda, bolǵan.

«Tájikstannan Reseı memleketine baǵyt alǵan „Kia Rio“ avtokóliginiń júrgizýshisi qarsy baǵytqa shyǵyp ketken. Saldarynan qarsy baǵyttaǵy kólikke soqtyǵysyp bir jolaýshy oqıǵa ornynda qaıtys boldy. Bes adam dene jaraqatymen aýrýhanaǵa jetkizildi. Atalǵan derek boıynsha qylmystyq is qozǵaldy. Tergeý áreketteri júrgizilýde», — dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylordada asa iri kólemde alaıaqtyq jasap, qashyp ketken adam qolǵa tústi.