Qyzylorda oblysynda jyl basynan beri 100-ge jýyq órt oqıǵasy tirkelgen

QYZYLORDA. KAZINFORM – Jyl basynan beri Qyzylorda oblysynda 100-ge tarta órt oqıǵasy bolǵan. Tilsiz jaýdan 2 adam kóz jumdy. 

Órtten jábirlenýshilerge 32 mıllıon teńge kóleminde materıaldyq shyǵyn kelgen. 

– Ókinishke qaraı ótken 3 aıda 2 adam qaza taýyp, 8 adam jaraqat aldy. 2024 jyldyń osy kezeńimen salystyrǵanda qaza tapqandar sany 30%-ǵa azaıǵan. Alaıda jaralanǵandar sany kerisinshe kóbeıip otyr. Órt oqıǵasy da 4%-ǵa ósti, - dedi oblystyq tótenshe jaǵdaılar departamenti memlekettik órt baqylaý basqarmasynyń bastyǵy Ashat Orazbekov. 

Byltyr memlekettik orman qoryna qarasty 69 gektar aýmaqta 14 órt oqıǵasy tirkeldi. Jalpy, Qyzylorda oblysyndaǵy memlekettik orman qory jeriniń jalpy kólemi 7 mln gektar bolsa, onyń 3,8 mln gektary – ormandy alqaptar. 

Jyl basynda Jetisý oblysynda jylytý maýsymy bastalǵaly 101 órt oqıǵasy bolǵanyn jazǵan edik.