Qyzylorda oblysynda jaýyn-shashynnan keıin Qumsaı bógetin sý shaıyp ketti
QYZYLORDA. KAZINFORM - Qyzylorda oblysy Aral aýdanynda jaýyn-shashyn jáne erigen qar sýynyń mol jınalýy saldarynan Qumsaı bógetiniń bir bóligin sý shaıyp ketti.
Bógetten 2 shaqyrym qashyqtyqta ornalasqan Sekseýil kentindegi avtojoldar men ózge nysandardy sý basý qaýpi joq.
«Jaýyn-shashyn jáne erigen qar sýynyń mol jınalýynan Qumsaı bógetiniń bir bóligin sý shaıyp ketti. Mol sý Terbenbes qyrqasynyń janyndaǵy saıǵa sý aǵýda. Kenttegi avtojoldar men halyq sharýashylyǵy nysandaryn sý basý qaýpi joq. Budan bólek, «Bozoı-Shymkent» gaz qubyryna qyzmet kórsetetin tehnıkalyq joldy sý shaıýy Aqespe eldimekeni halqynyń jol qatynasyna qıyndyq týdyryp otyr. Osy rette tabıǵı qubylys saldarynan bolǵan ýaqytsha jaǵdaı aýyl turǵyndaryna túsindirildi», - dep málim etti Aral aýdany ákimdiginen.
Vedomstvo málimetinshe, aýdan ákimdigi tarapynan tıisti mekemeler men jaýapty sala basshylaryna máseleni qatań baqylaýda ustap, der kezinde qalpyna keltirý jumystaryn júrgizýdi tapsyrylǵan.
Eske salsaq, budan buryn jańbyrdan keıin Aral qalasynyń kóshelerin sý basqan edi.
