Qyzylorda oblysynda jasóspirimderdiń jappaı tóbelesine qatysty qylmystyq is qozǵaldy

QYZYLORDA. KAZINFORM - Qyzylorda oblysynda jasóspirimder arasyndaǵy jappaı tóbeleske qatysty qylmystyq is qozǵaldy.

Bul jóninde áleýmettik jelide beınejazba jarııalandy. Onda oqıǵanyń Aral aýdanyna qarasty Jaqsyqylysh kentinde bolǵany aıtylǵan.

Beınejazbada kóshe boıynda jasóspirimderdiń jappaı tóbelesi kózge kórinedi. 

Oqıǵanyń bolǵanyn Aral aýdandyq polıtsııa bólimi rastap, tómendegishe túsinikteme berdi. 

- Buzaqylyq faktisi boıynsha qylmystyq is qozǵaldy. Polıtsııa qyzmetkerleri júrgizgen is-shara barysynda janjalǵa qatysýshylardy anyqtalýda. Qylmystyq is negizinde quqyqtyq baǵa beriletin bolady, - dep jazylǵan habarlamada.

Aıta ketsek, byltyr mamyr aıynda Qyzylorda qalasynda jastar arasynda jappaı tóbeles boldy.