Qyzylorda oblysynda Jańa jyl túninde 7 qylmys ashyldy

ASTANA. KAZINFORM - Qyzylorda oblysynda Jańa jyl túninde 7 qylmys ashyldy.

Oblys boıynsha barlyǵy 472 ákimshilik quqyq buzýshylyqtar anyqtaldy. Onyń ishinde qoǵamdyq oryndarda mas kúıde bolǵan 32, túngi tynyshtyqty buzǵan 21 adam jaýapqa tartyldy.

- Jyldamdyqty shamadan tys asyrǵan 54, jaıaý júrginshilerge jol bermegen 12 júrgizýshi tıisti ákimshilik jazaǵa tartyldy. Mas kúıinde kólik tizgindegen 2 júrgizýshi de jaýapqa tartyldy, - dep málim etti Qyzylorda oblystyq polıtsııa departamentinen.

Vedomstvo málimetinşe, Jańa jyl merekesine baılanysty qyzylordalyq polıtseıler azamattardyń qaýipsizdigin qamtamasyz etý úshin kúsheıtilgen qyzmet rejımine kóshirildi. Bul kúnderi qylmystyń aldyn alý baǵytynda adamdar kóp jınalatyn oryndarda qaýipsizdik sharalary kúsheıtildi. Jańa jyl túni myńǵa jýyq polıtseıler kezekshilikke shyqty.

Eske salsaq, budan buryn Qyzylorda oblysynda kóktaıǵaq saldarynan kólik qozǵalysy qıyndady.