Qyzylorda oblysynda jańa týǵan sábılerdiń quqyǵy buzylǵan
ASTANA. KAZINFORM — Qazaly aýdanynyń prokýratýrasy densaýlyq saqtaý salasyndaǵy zańnamanyń saqtalýyna júrgizgen taldaý barysynda aýdandyq aýrýhana qyzmetinde birqatar kemshilikterdi anyqtady. Bul týraly Qyzylorda oblsynyń prokýratýrasy málim etti.
Atap aıtqanda, medıtsınalyq kómektiń kepildik berilgen kólemi sheńberinde jańa týǵan nárestelerge berilýi tıis «Ana men bala qobdıshalarymen» tolyq qamtamasyz etý jónindegi talaptardyń saqtalmaǵany belgili boldy.
— Atalǵan zań buzýshylyqtar azamattardyń, onyń ishinde nárestelerdiń konstıtýtsııalyq quqyqtarynyń buzylýyna ákeldi. Prokýrorlyq qadaǵalaý aktisi nátıjesinde tıisti sharalar qabyldanyp, olardyń quqyqtary qalpyna keltirildi, — delingen habarlamada.
11 náreste tıisti «Ana men bala qobdıshalarymen» qamtamasyzetildi. Áleýmettik mańyzy bar salalardaǵy zańdylyqtyń saqtalýy máseleleri prokýratýra organdarynyń erekshe baqylaýynda.
Eske sala keteıik, Astana qalasy Nura aýdanynyń prokýratýrasy qadaǵalaý barysynda densaýlyq saqtaý jáne kámeletke tolmaǵandardyń quqyqtaryn qorǵaý salasynda zań buzýshylyqtar anyqtap, «Ana men bala qobdıshalarynyń» berilýin qamtamasyz etken bolatyn.
