Qyzylorda oblysynda jańa oqý jylynda 9 Keleshek mektebi shákirtterin qabyldaıdy
QYZYLORDA. KAZINFORM – Memleket basshysynyń, Úkimettiń erekshe qoldaýymen Syr óńirinde júzege asqan baıypty bastamalar men jasampaz jobalar ıgiligin jurtshylyq kórip keledi.
Oblys bıýdjeti 823 mlrd 400 mln teńgeni qurap, 2022 jyldan beri 226 paıyzǵa ósti. Bul qarajat eń ózekti máselelerdi sheshýge, turǵyndardyń ómir súrý sapasyn jaqsartýǵa, aýqymdy ınfraqurylymdyq jobalardy iske asyrýǵa baǵyttaldy.
Turaqty qoldaý bilim salasyndaǵy jańashyl bastamalarǵa, jarqyn jetistikterge negiz boldy. Sáýleti men kelbeti kelisken jańa mektepter boı kóterdi.
Aımaqtyń bilim berý salasyna sońǵy úsh jylda 812 mlrd. 245 mln. teńge, bıyl 346 mlrd. 800 mln. teńge bólindi.
Qarjylandyrýdyń barlyq kózinen ótken jyly 31 mlrd. 800 mln teńgege 13 bilim berý uıymy jańadan ashyldy.
Memleket basshysynyń bastamasymen qolǵa alynǵan «Keleshek mektepteri» ulttyq jobasy aıasynda 54 mlrd 400 mln teńgege 6 900 oryndyq 10 mekteptiń qurylysy júrgizilip, paıdalanýǵa berilýde. Búginde 9 mektep el ıgiligine tabystaldy. Qalǵan bir mektep Muǵalimder kúninde iske qosylady.
Atap aıtsaq, Bilim kúni qarsańynda oblys ákimi Nurlybek Nálibaevtyń qatysýymen Aral aýdanynyń Sekseýil kentinde 300 oryndyq, Qyzylorda qalasynyń Araı móltek aýdanynda 1500 oryndyq jáne Qyzyljarma aýylynda 600 oryndyq «Keleshek mektebi» resmı túrde ashyldy.
Sonymen qatar, Aral aýdany Toqabaı aýylyndaǵy 100 oryndyq mektep, Shıeli aýdanyndaǵy 200 oryndyq «Oqýshylar úıi» men 50 oryndyq «Óner mektebi» paıdalanýǵa berildi.
Toqabaı aýylyndaǵy 2015 jyly salynǵan mektep ǵımaratynyń sapasy syn kótermeı, 2017 jyly apatty jaǵdaıda dep tanylǵan bolatyn. Aýyl balalary ýaqytsha ákimdik ǵımaratynda bilim alyp keldi. Osy jaǵdaıdy eskerip, ótken jyly demeýshilik esebinen 550 mln.teńgege mektepti qaıta salý qolǵa alyndy. Aldymen negizgi oqý korpýsynyń qurylysyn aıaqtap, balalardyń jaıly jerde bilim alýyna jaǵdaı jasaldy. Búginde qurylys tolyq aıaqtaldy.
Al, Shıelidegi quny 1 mlrd 68 mln teńge bolatyn jańa «Oqýshylar úıinde» 28, «Óner mektebinde» 8 úıirme jas urpaqtyń jan-jaqty azamat bolyp qalyptasýyna qyzmet etpek.
Aıta keteıik, 2023 jyldan beri oblystyq bıýdjet esebinen 5 mlrd. 700 mln teńgege 9 mektepke 2 900 oryndyq qosymsha ǵımarat salynyp, úsh aýysymdyq mektepter máselesi túbegeıli sheshimin tapty.
«Bilimdi qoldaý qory» arqyly 8 mlrd 400 mln teńgege 400 oryndyq daryndy balalarǵa arnalǵan fızıka-matematıka mektep-ınternaty el ıgiligine tabystaldy.
Bilim ordasynda oqýǵa elimizdiń 17 aımaǵynan 1 445 oqýshy ótinish bildirip, bilim báıgesinde joǵary kórsetkishterge qol jetkizgen 200 bala qabyldandy.
Atalǵan qor esebinen 2 mlrd 333 mln teńgege Aral aýdany Mergensaı eldi mekeninen 150 oryndyq zamanaýı mektep salynýda. Nysan qarasha aıynda paıdalanýǵa beriledi.
Prezıdent tapsyrmasyna sáıkes aldaǵy úsh jylda óńirdegi 51 mektep kúrdeli jóndeýden ótedi.
Bıyl oblystyq bıýdjetten 2 mlrd 400 mln teńge bólinip, 9 mektep qaıta jańǵyrtyldy.
Sońǵy úsh jylda 5 mlrd 300 mln teńgege 15 mektep ǵımaratyna kúrdeli jóndeý júrgizildi.
Al aǵymdaǵy jóndeý jumystaryna 2022 jyldan beri 2 mlrd 600 mln teńge bólindi.
Atqarylǵan jumystardyń nátıjesinde apatty jaǵdaıdaǵy 7 mekteptiń máselesi tolyq sheshimin tapty.
Qaıtarylǵan aktıvter esebinen 8 mlrd 200 mln teńgege 5 mekteptiń qurylysy qarjylandyrylmaq.
Balalarǵa qosymsha bilim berý júıesin damytýda úsh jylda 4 «Oqýshylar úıi» men 2 «Óner mektebi» salynyp, zııatker jas urpaqtyń ıgiligine qyzmet etýde.
Oblystyq bıýdjetten 11 mlrd teńgege balalar men jasóspirimderge arnalǵan «Syr juldyzdary» shyǵarmashylyq-ınnovatsııalyq akademııasy salynyp, mamyr aıynda paıdalanýǵa berildi.
Ótken jyly «QazMunaıGaz» Ulttyq kompanııasynyń demeýshiligimen Qyzylorda qalasynda 2 mlrd 500 mln teńgege 350 oryndyq zamanaýı úlgidegi «Oqýshylar saraıy» ashyldy.
Qaıta jańǵyrtýdan ótip jatqan Prezıdent saıabaǵynda 10 mlrd teńgege jyldyń tórt mezgilinde úzdiksiz jumys isteıtin 300 oryndyq zamanaýı balalar tynyǵý lageri, 5 mlrd teńgege Botanıkalyq bilim berý ortalyǵy (qysqy baq) salynýda.Jetkinshekterdiń shyǵarmashylyqpen, sportpen aınalysýyna memleket tarapynan barlyq múmkindik jasalǵan.
2022 jyldan beri 15 mádenıet nysany, 20 sport kesheni boı kóterdi.
Bıyl eldi mekenderde taǵy 6 sport kesheni salynyp, paıdalanýǵa beriledi.
Ótken jyldyń qazan aıynda «Samuryq Qazyna Trast» qorymen birlesip, Qyzylorda qalasynda «Tennıs ortalyǵy» ashyldy.
Bıyl «Qazaqstan halqyna» qorynyń qoldaýymen Shıeli, Jalaǵash aýdandarynda jańa sport kesheni salynyp, tabystaldy.
Qordyń demeýshiligimen quny 2 mlrd 900 mln teńge bolatyn múmkindigi shekteýli jandarǵa arnalǵan dene shynyqtyrý-saýyqtyrý kesheni salynýda.
Jergilikti kásipkerler demeýshiligimen 1 mlrd 600 mln teńgege ornatylǵan 80 sport-oıyn alańy turǵyndar ıgiligine aınaldy.
Aıta keteıik, Qyzylorda oblysynyń qarjy únemdeý tájirıbesi respýblıkalyq deńgeıde tanystyryldy.