Qyzylorda oblysynda izdeý jarııalanǵan seriktestiktiń burynǵy tóraǵasy qolǵa tústi

QYZYLORDA. KAZINFORM - Qyzylorda oblysynda senip tapsyrylǵan bóten múlikti ıemdenip alý nemese talan-tarajǵa salý deregi boıynsha aıyp taǵylǵan seriktestiktiń burynǵy tóraǵasy qolǵa tústi.

Qyzylorda oblystyq Polıtsııa departamenti budan buryn «Madı-Qajy» jaýapkershiligi shekteýli seriktestiginiń burynǵy dırektory Seıitkamal Abzaluly Sultanovqa izdeý jarııalaǵan bolatyn.

Onda QR Qylmystyq kodeksiniń 189-babynyń 4-bóliginiń 2-tarmaǵymen «senip tapsyrylǵan bóten múlikti ıemdenip alý nemese talan-tarajǵa salý» deregi boıynsha aıyp taǵylǵany aıtylǵan.

«Kúdikti Qyzylorda QPB-nyń ýaqytsha ustaý ızolıatoryna oqshaýlandyryldy. Qazirgi ýaqytta tergep-tekserý áreketteri júrgizilip jatyr», - dep málim etti Qyzylorda oblystyq Polıtsııa departamentinen.