Qyzylorda oblysynda zańsyz kezekten shyǵarylǵan jetim balalar baspanaly boldy

QYZYLORDA. KAZINFORM – Qarmaqshy aýdany prokýratýrasy jetim jáne ata-anasynyń qamqorlyǵynsyz qalǵan balalardy turǵyn úımen qamtamasyz etý máselesi boıynsha taldaý júrgizdi.

Qoldanystaǵy zańnamaǵa sáıkes, atalǵan sanattaǵy balalar turǵyn úı alýǵa birinshi kezekte quqyly.

Sondaı-aq memlekettik turǵyn úı qorynan beriletin úılerdiń jalpy sanynyń keminde 20 paıyzy jetim balalarǵa berilýi tıis.

Alaıda tekserý barysynda jergilikti atqarýshy organdardyń áreketi nátıjesinde bul sanattaǵy azamattardyń turǵyn úı alý múmkindigi buzylǵany anyqtaldy.

- Tek prokýrorlyq qadaǵalaý aktisinen keıin ǵana olardyń quqyqtary qalpyna keltirildi. Zańsyz turǵyn úı kezeginen shyǵarylǵan azamatsha qaıta kezekke qoıyldy. Sondaı-aq kezekte turǵan úsh jetim balanyń kópten kútken baspanalaryna qol jetkizýi qamtamasyz etildi, – delingen resmı aqparatta.

Aıta keteıik, Qazaqstanda 360-tan asa tálimger jetim balalarǵa ómirlik jol siltep júr.