Qyzylorda oblysynda úshemniń anasy aýdan ákimi saılaýynda tańdaý jasady

Qyzylorda oblysy Syrdarııa aýdanyndaǵy №167 saılaý ýchaskesinde úshemniń anasy Áıgerim Baımurzaeva aýdan ákimi saılaýynda daýys berdi, dep habarlaıdy Kazinform.

Qyzylorda oblysynda Shıeli jáne Syrdarııa aýdandarynda ákim saılaýy ótip jatyr. El úshin eleýli kúnde óz tańdaýyn jasaýǵa kelgen turǵyndar qatarynda úshemniń anasy Áıgerim Baımurzaeva balalarymen birge daýys berdi.

Ol Syrdarııa aýdandyq №167 saılaý ýchaskesine tirkelgen.

«Balalarymnyń jarqyn bolashaǵy úshin daýys berdim. Elim deıtin, týǵan elin qadirleıtin urpaq tárbıeleý - barshamyzdyń mindetimiz. Saıası mańyzdy sharany balalarym da sezinip óssin degen nıetpen uldarymdy alyp keldim», - deıdi úshemniń anasy.

Aıta keteıik, Syrdarııada 22 101, Shıelide 50 402 saılaýshy tirkelgen.

Eki aýdanda 70 myńnan astam adam tańdaý jasaı alady. Bul maqsatta Syrdarııada – 18, Shıelide 40 ýchaskelik komıssııanyń 388 múshesi jumys atqarady.

Eske salsaq, budan buryn Qyzylorda oblysynda 102 jastaǵy maıdanger aýdan ákimi saılaýynda tańdaý jasady.