Qyzylorda oblysynda úshem dúnıege keldi
Qyzylordalyq 28 jastaǵy Aqbota Ábsattar úshem dúnıege alyp keldi. Onyń 1-i ul bala bolsa, 2-i qyz bala, dep habarlaıdy Kazinform.
Qyzylorda oblystyq perınataldyq ortalyǵynda 2023 jyldyń 8 jeltoqsan kúni úshem dúnıege keldi.
Náresterler anasynyń júktiliginiń 33-shi aptasynda ómir esigin ashty.
Qyzylorda qalasynda turatyn 28 jastaǵy Aqbota Ábsattar men 30 jastaǵy Nursultan Qazbek sanıtarlyq-epıdemıologııalyq baqylaý salasynda qyzmet atqarady.
Olardyń budan bólek 2 jasar Jantóre atty uly bar.
Nárestelerdiń dúnıege kelgendegi salmaǵy — 1830, 1670, 1200 gramm boldy. Náresteler birneshe mınýt aıyrmashylyqpen dúnıege keldi.
Shaqalaqtar 1 aıǵa jýyq oblystyq perınataldyq ortalyǵy dárigerlerdiń jiti baqylaýynda bolyp, turaqty em qabyldady.
Qazirgi tańda sábılerdiń jáne anasynyń jaǵdaıy jaqsy. Nárestelerdiń esimin ata-ájesi Álınur, Adına, Medına dep qoıdy.
Absattar Aqbota óziniń júktiligi týraly 6-shy aptada bilgen. Dárigerler alǵashqy tekserýde egizder bolýy múmkin ekenin boljasa, 8-shi aptada úshem ekenin rastady.
«Bul men úshin kútpegen jańalyq boldy. Júktilik qalaı ótedi eken, balalardyń damýy, jetilýi qalaı bolady eken dep ýaıymdadym», — deıdi Aqbota Ábsattar.
Aıta ketsek, oblystyq perınataldyq ortalyǵynda byltyr 11 010 náreste dúnıege keldi. Onyń ishinde 151-i egiz bolsa, 3-i úshem.
