Qyzylorda oblysynda úsh márte egiz bosanǵan ana turady
QYZYLORDA. KAZINFORM - Qyzylorda oblysynda úsh márte egiz bosanǵan ana turady. Qarmaqshy aýdanyna qarasty Aqtóbe aýylynyń turǵyny Janbota Ótebalıeva búginde otbasynda segiz balany tárbeıelep otyr.
Ol Aqtóbe aýylynda turatyn Erkin Raevqa turmysqa shyqqan. Búginde otaǵasy sharýashylyqta qoıma meńgerýshi qyzmetin atqarady.
Janbota 1987 jyly Aral aýdanynda dúnıege kelgen. Otbasynda 5 bala ósken. Negizinen egizder anasy jaǵynan taraǵanyn aıtady.
«Otbasynda aldymdaǵy baýyrlarym egiz boldy. Qazir ózim turmys quryp, Allanyń bergen segiz ul-qyzyn tárbıelep otyrmyn. Qyzdarym Merýertim Qyzylordada stýdent bolsa, Gúljaınarym 9-synypta oqıdy. Egizderdiń úlkeni 2014 jylǵy Áset pen Ásel 3-synyptyń bilim alyp jatsa, odan keıingi ekinshi egizder 2016 jyly ómirge kelgen Ǵazıza men Farıza 2-synypta oqıdy. Úshinshi egizimiz Álıhan men Álıjan ótken jyldyń 26 jeltoqsanynda ómir esigin ashty», - deıdi kópbalaly ana.
Otbasynda eki egizdiń esimin ákeleri qoıǵan. Al egiz qyzdarǵa esimdi ájesi ózi beripti.
Kópbalaly ana egizderdiń barlyǵyn da tabıǵı jolmen oblystyq «Ana men bala» ortalyǵynda bosanǵan.
Aıta ketsek, ortalyqta byltyr 11 010 náreste dúnıege keldi. Onyń ishinde 151-i egiz bolsa, 3-i úshem.
