Qyzylorda oblysynda úsh kúnde jolaýshy tasymaldaıtyn 55 kólik aıyp turaǵyna qoıyldy
QYZYLORDA. KAZINFORM – Qyzylorda oblysynda úsh kúnge sozylǵan «Tasymaldaýshy» jedel profılaktıkalyq is-sharasy qorytyndylandy.
Іs-sharanyń maqsaty - jolaýshy tasymaldaıtyn júrgizýshiler arasynda tártipti arttyrý, sondaı-aq qyzmetin tirkeýsiz júzege asyratyn azamattarǵa qatysty baqylaýdy kúsheıtý.
Oblystyq polıtsııa departamentiniń málimetinshe, mobıldi toptar 128 baǵytta qyzmet atqardy.
- Osy úsh kúnde jolaýshy tasymaldaýshylarǵa qatysty 1082 ákimshilik hattama rásimdeldi. Onyń ishinde qoǵamdyq kólikte alkogoldi ishimdik ishý nemese masań kúıde kelýdiń 52, qoǵamdyq orynda taksı qyzmeti boıynsha mazalap tıisýdiń 169, jolaýshy tasymaldaý qaǵıdalaryn buzýdyń 128 deregi tirkeldi. 5 adam kólik basqarý quqyǵynan aıyrylǵanyna qaramastan rýl tizgindese, 109 adam rýlde kele jatyp telefon paıdalanǵan. 6 júrgishi mas kúıinde kólik júrgizgen, - delingen habarlamada.
Jolaýshy tasymaldaǵan 55 avtokólik aıyp turaqtaryna jetkizilse, 133 kóliktiń qozǵalysyn shekteý maqsatynda memlekettik belgileri alyndy.
Buǵan deıin elimizdiń aýmaǵynda jol-kólik oqıǵalarynyń aldyn alý jáne jol qozǵalysyna qatysýshylardyń tártibin arttyrý maqsatynda «Qaýipsiz jol» jedel-profılaktıkalyq is-sharasy ótkizildi.
