Qyzylorda oblysynda úsh aýylda ákim saılaýy ótip jatyr
QYZYLORDA. KAZINFORM - Búgin Qyzylorda oblysy Shıeli aýdanynda 3 aýylda ákim saılaýy ótip jatyr.
Shıeli aýdanyndaǵy Jańaturmys, Eńbekshi, Qarǵaly aýyldyq okrýgteri turatyn 2 myńnan astam saılaýshy 8 kandıdatqa daýys bere alady. Onyń ishinde Jańaturmysta 635, Eńbekshide 1031, Qarǵalyda 710 saılaýshy bar. Kandıdattardyń 7-i ózin-ózi usynsa, 1-i saıası partııa atynan baq synaýda.
Saıası naýqanda alǵash ret tańdaý jasaǵan jáne ujymmen birge kelgen mádenıet úıiniń qyzmetkerleri óz tańdaýyn jasady. Sondaı-aq, sporttyq jarysqa qatysýshy azamattar da ózi senim artqan kandıdatqa daýys berdi.
«Áskerden oralǵan sátte aýylda ákim saılaýy bolatynyn ál-aýqatymyzdy jaqsartýǵa qyzmet etetin ákim úshin durys tańdaý jasaýymyz qajet», - dedi Baqytjan Bekpenbetov.
Daýys berý kúni 3 okrýg boıynsha 39 saılaýshy úıden daýys berýge ótinish qaldyrǵan. Olardyń bárine de tasymaldanatyn jáshik barady.
Aıta ketsek, daýys berý jergilikti ýaqyt 20.00-ge deıin jalǵasady.
