Qyzylorda oblysynda tranzıttik, júk jáne qoǵamdyq kólikterdiń qozǵalysyna shekteý qoıyldy

QYZYLORDA. KAZINFORM — Qyzylorda oblysynda aýa raıynyń qolaısyzdyǵyna baılanysty «Samara-Shymkent» avtomobıl jolynyń birqatar bóliginde tranzıttik, júk jáne qoǵamdyq kólikterdiń qozǵalysyna shekteý qoıyldy.

«13 aqpanynda Astana qalasynyń ýaqytymen saǵat 12.45-ten bastap respýblıkalyq mańyzy bar «Samara-Shymkent» avtomobıl jolynyń 1240-1360 shaqyrym aralyǵyna tranzıttik, júk jáne qoǵamdyq kólikterdiń qozǵalysyna ýaqytsha shekteý qoıyldy. Ol Aqtóbe oblysynyń shekarasynan Aral aýdany ortalyǵyna deıingi aralyqty qamtıdy. Bul sheshim Aqtóbe oblysynda aýa raıynyń nasharlaýyna baılanysty qabyldanyp otyr», — dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn Qyzylorda oblysynda jolda qalyp qoıǵan 4 myń jolaýshyǵa kómek kórsetildi.