Qyzylorda oblysynda toı kortejinde jol erejesin óreskel buzǵandar jazalandy
QYZYLORDA. KAZINFORM – Áleýmettik jelige monıtorıng júrgizgen qyzylordalyq tártip saqshylary Jańaqorǵan aýdanyndaǵy ortalyq kóshelerdiń birinde kóptegen kóliktiń jol qozǵalysy erejelerin óreskel buzý deregin anyqtady.
Beınejazbadan kóringendeı, 23 tamyzǵa qaraǵan túni toı korteji quramyndaǵy avtokólik júrgizýshileri jol qozǵalysy erejelerin buzǵan.
- Tártip saqshylary 7 júrgizýshini polıtsııa bólimine jetkizip, olarǵa qatysty ákimshilik shara qabyldady. Atap aıtqanda, 2 azamatqa QR ÁQBtK-niń 590-babynyń 2-bóligi, ıaǵnı kólik quraldaryn paıdalaný kezinde belgilengen talaptardy buzý, 2 azamatqa 606-baptyń 1-bóligi — jol júrisine qatysýshynyń jol júrisi qaǵıdalarynyń talaptaryn oryndamaýy, sonyń ishinde jol qaýipsizdigine qatysty talaptardy buzý, 1 azamatqa 612-baptyń 2-bóligi nemese kólik quralyn basqarý quqyǵy joq adamnyń kólik quralyn basqarýy nemese tıisti qujattarǵa qatysty talaptardy buzý, 2 azamatqa 596-baptyń 3-bóligi, ıaǵnı jol júrisi qaǵıdalarynda belgilengen manevr jasaý/jolaq boıynsha qozǵalý talaptaryn buzý jaǵdaılary boıynsha ákimshilik hattama toltyryldy. Barlyq júrgizýshige qosymsha resmı eskertý berildi, - delingen habarlamada.
Oblystyq Polıtsııa departamenti azamattardy jol qozǵalysy erejelerin qatań saqtap, jol qaýipsizdigine jaýapkershilikpen qaraýǵa shaqyrady.
Eske salaıyq, budan buryn Aqtóbe oblysynda úılený toıyna arnalǵan avtokólikter kortejinde jol qozǵalysy erejelerin óreskel buzǵan júrgizýshiler jaýapkershilikke tartyldy.
