Qyzylorda oblysynda tóbelesten bir jasóspirim kóz jumdy

QYZYLORDA. KAZINFORM - Qyzylorda oblysy Shıeli aýdanynda tóbelesten bir jasóspirim qaıtys boldy.

Oblystyq polıtsııa departamentiniń habarlaýynsha, kámeletke tolmaǵan balanyń ólimi boıynsha qylmystyq is tirkelgen.

«Qazir bul boıynsha tergeý júrgizilýde, saraptamalar taǵaıyndaldy. Kúdikti retinde eki jasóspirim qamaýǵa alyndy. Oqıǵanyń mán-jaıy anyqtalýda. Tergeý múddesi úshin basqa aqparat jarııa etilmeıdi. Іs Qyzylorda oblysy Polıtsııa departamenti bastyǵynyń baqylaýynda», - dep atap ótti departamentten.

Eske salsaq, budan buryn Qyzylordada kanaldan belgisiz jaǵdaıda qaza bolǵan 50 jastaǵy adamnyń máıiti shyǵaryldy.