Qyzylorda oblysynda tynyshtyqty kúzetýge myńnan astam polıtseı tartyldy
QYZYLORDA. KAZINFORM – Jańa jyl merekesi kezinde Qyzylorda oblystyq polıtsııa departamentiniń qyzmetkerleri jumysty kúsheıtip, patrýldik jasaqtar sany kóbeıdi.
Departamenttiń baspasóz qyzmeti habarlaǵandaı, olar negizinen halyq kóp jınalatyn jerlerdi, oıyn-saýyq oryndaryn erekshe baqylady.
- 2025 jyldyń 31 jeltoqsanynda 102 nómirine 58 qońyraý kelip túsip, oblys kóleminde 93 ákimshilik quqyqbuzýshylyq anyqtalǵan. Spırt ishimdik ishý nemese qoǵamdyq oryndarda mas kúıinde júrýdiń 28, kámeletke tolmaǵandardyń túngi ýaqytta júrýiniń 14 deregi anyqtaldy. Mas kúıde kólik basqarý, kólik quralyn basqarý quqyǵynan aıyrylǵan kúıde rýl tizgindeý faktileri anyqtalǵan joq, - delingen habarlamada.
Bul túni qyzmetke departamenttiń 1000-nan astam qyzmetkeri tartyldy. Qyzylordalyq polıtseıler qoǵamdyq qaýipsizdikti tıisti deńgeıde qamtamasyz etti. Ázirge qandaı da bir oqys oqıǵalar tirkelgen joq. Oblys halqynyń qaýipsizdigin qatań qadaǵalaý jańa jyldyq demalys kúnderi taǵy jalǵasady.
Aıta keteıik, 2025 jylǵy 31 jeltoqsannan 2026 jylǵy 1 qańtarǵa qaraǵan túni Abaı oblysynda 2 myńnan asa polıtseı merekelik is-sharalar barysynda qoǵamdyq tártip pen turǵyndardyń qaýipsizdigin qamtamasyz etý maqsatynda kúsheıtilgen rejımde qyzmet atqardy.