TikTok-ta balaǵat sóz aıtqan qyzylordalyq kóshe sypyryp júr
ASTANA. KAZINFORM – Polıtsııa qyzmetkerleri TikTok áleýmettik jelisindegi tikeleı efır barysynda birneshe ret balaǵat sózder aıtqan Qyzylorda oblysy Syrdarııa aýdanynyń 36 jastaǵy turǵyny Qýanysh Oljabaevty anyqtady, dep habarlaıdy Polisia.kz.
Quqyq buzýshylyq jasaǵan kezde ol alkogoldik masań kúıde bolǵan.
Sot sheshimimen Qýanysh Oljabaev usaq buzaqylyq jasaǵany úshin ákimshilik jaýapkershilikke tartyldy. Oǵan 60 saǵat qoǵamdyq jumysqa tartý jazasy taǵaıyndaldy.
Qazirgi ýaqytta er adam sot taǵaıyndaǵan jazasyn ótep jatyr. Ol kóshelerdi sypyryp, aýmaqty aramshópterden tazartyp, basqa da qoǵamǵa paıdaly jumystar jasap júr.
-Internet — zańsyzdyqqa jol beretin keńistik emes. Tikeleı efır jaýapkershilikten bosatpaıdy. Quqyqqa qaıshy áreket qaı jerde jasalsa da, kóshede nemese áleýmettik jelide — zań aldynda jaýapkershilikke ákep soǵady,-delingen habarlamada.
Osyǵan deıin TikTok-ta ádepsiz vıdeo jarııalaǵan shetel azamatyna aıyppul salynǵany týraly jzadyq.
