Qyzylorda oblysynda tabıǵat qorǵaý zańnamasyn buzýdyń 190 deregi anyqtaldy

ASTANA. KAZINFORM — Qyzylorda oblysynda «Brakoner» is-sharasy barysynda tabıǵat qorǵaý zańnamasyn buzýdyń 190 deregi anyqtaldy.

Oblys kóleminde «Brakoner» jedel-profılaktıkalyq is-sharasy ótkizilýde. Maqsaty — tabıǵat qorǵaý zańnamasyn buzýshylyqtardy, bıologııalyq resýrstar obektileri men ónimderiniń zańsyz aınalymyn anyqtaý jáne jolyn kesý, ekologııalyq qylmystardy ashý.

«Júrgizilgen reıdtik sharalar barysynda polıtseılermen aqpan aıynyń 20 kúninde tabıǵat qorǵaý zańnamasyn buzýdyń 190 deregi anyqtaldy. Onyń 6-ýi qylmystyq is jáne 184-i ákimshilik quqyq buzýshylyq derekter. Onyń ishinde zańsyz ań aýlaýdyń — 133, balyq aýlaý jáne balyq resýrstary men basqa da sý janýarlaryn qorǵaý qaǵıdasyn buzýdyń 15 deregi belgili bolsa, tirkelmegen qarýdy zańsyz saqtaýdyń 9, ańshylyq qarýdy saqtaý erejesin buzýdyń 27 deregi anyqtaldy», — dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada jol-kólik oqıǵasynda jasóspirimniń ólimine sebep bolǵan júrgizýshi sottaldy.