Qyzylorda oblysynda stalkıng derekteri boıynsha sot úkimderi shyqty
QYZYLORDA. KAZINFORM — Osy quqyq buzýshylyq úshin zańnamada eki júz aılyq eseptik kórsetkishke deıin aıyppul salý, eki júz saǵatqa deıin qoǵamdyq jumystar nemese elý táýlikke deıin qamaý túrindegi jaza kózdelgen.
Qyzylorda qalasynyń turǵyny jábirlenýshiniń ózimen qandaı da bir qarym-qatynas ornatýǵa nıeti joq ekenin bile tura, toǵyz aı boıy mazasyn alyp, júıeli túrde ańdyǵan.
Atap aıtqanda, jábirlenýshi birneshe márte ózin mazalamaýdy jáne baılanys ornatqysy kelmeıtinin jetkizgenine qaramastan, sottalýshy onyń talaptaryn elemegen.
Ol áleýmettik jelidegi paraqshalary arqyly úzdiksiz habarlamalar joldap, jumys orny men turǵylyqty meken-jaıyna baryp, júıeli túrde ańdý júrgizip, baılanys ornatý maqsatynda psıhologııalyq qysym kórsetken.
Jábirlenýshiniń aryzy negizinde quqyq qorǵaý organdarymen tıisti sharalar qabyldanyp, sot úkimimen Qyzylorda qalasynyń turǵyny Qazaqstan Respýblıkasynyń Qylmystyq kodeksiniń115-1-baby boıynsha kináli dep tanyldy. Oǵan 100 saǵatqa qoǵamdyq jumysqa tartý túrindegi jaza taǵaıyndaldy.
Budan bólek oblys aýmaǵynda stalkıng jasaǵan taǵy 2 azamat sotpen kináli dep tanylyp, árqaısysyna osy tektes jazataǵaıyndaldy.
Aıta keteıik, 2025 jylǵy 16 shildeden bastap Qylmystyq kodekske 115-1-bap engizilip, stalkıng úshin qylmystyq jaýaptylyq belgilendi.
Atalǵan bapqa sáıkes adamdy júıeli túrde qýdalaý, mazasyz qońyraýlar shalý, ańdý jáne azamattardyń jeke ómirine qol suǵylmaýshylyq quqyǵyn buzatyn ózge de áreketter qylmystyq quqyq buzýshylyq bolyp tabylady.
Osy quqyq buzýshylyq úshin zańnamada eki júz aılyq eseptik kórsetkishke deıin aıyppul salý, eki júz saǵatqa deıin qoǵamdyq jumystar nemese elý táýlikke deıin qamaý túrindegi jaza kózdelgen.
Qyzylorda oblysynyń prokýratýrasy azamattardy zań talaptaryn qatań saqtaýǵa, ózge tulǵalardyń jeke ómirine jáne jeke keńistigine qurmetpen qaraýǵa, sondaı-aq quqyq buzýshylyqtarǵa jol bermeýge shaqyrady.
Aıta ketelik Aqtóbede stalkıngke qatysty 6 istiń bireýi ǵana sotqa jetken edi.
