Qyzylorda oblysynda sot tóraǵasy men sýdıa 9 jylǵa sottaldy
QYZYLORDA. KAZINFORM – Qyzylorda oblysy Qazaly aýdandyq sotynyń tóraǵasy D. Ábdiqalyqov pen sýdıa S. Bertaıǵa qatysty sot úkimi shyǵarylyp, olarǵa 9 jyl merzimge bas bostandyǵynan aıyrý jazasy taǵaıyndaldy.
Ulttyq qaýipsizdik komıtetiniń málimetinshe, sot úkimi 2026 jylǵy 18 qyrkúıekte shyǵarylǵan.
D. Ábdiqalyqov pen S. Bertaı QR Qylmystyq kodeksiniń 366-baby 3-bóliginiń 2-tarmaǵynda jáne 366-baby 3-bóliginiń 2, 4-tarmaqtarynda kózdelgen sybaılas jemqorlyq qylmystardy jasaǵany úshin kináli dep tanyldy.
– Atap aıtsaq, bıylǵy qańtarda bulardy iri mólsherde para alý deregi boıynsha UQK ustaǵan bolatyn. Sybaılas jemqorlyqqa qarsy is-qımyl boıynsha júıeli jumys jalǵasýda, – delingen UQK habarlamasynda.
Aıta keteıik, bıyl 22 qańtarda Qazaly aýdandyq sotynyń tóraǵasy Dáýren Ábdiqalyqovqa qatysty qylmystyq is qozǵalǵany habarlanǵan edi. Ol kezde sot tóraǵasynyń sybaılas jemqorlyq sıpatyndaǵy qylmys boıynsha kúdikke ilingeni jáne sotqa deıingi tergeý júrgizilip jatqany belgili boldy.
