Qyzylorda oblysynda respýblıkalyq mańyzy bar avtojol ýchaskeleri ýaqytsha jabylady

ASTANA. KAZINFORM – Aýa raıynyń qolaısyzdyǵyna baılanysty Qyzylorda oblysy aýmaǵynda respýblıkalyq mańyzy bar avtojoldyń birqatar ýchaskesinde kólik qozǵalysyna ýaqytsha shekteý engiziledi.

22 jeltoqsan kúni saǵat 22:00-den bastap «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1362-1646 shaqyrym aralyǵy, ıaǵnı Aral qalasynan Josaly aýylyna deıingi ýchaskede kóliktiń barlyq túri úshin qozǵalys toqtatylady.

Atalǵan joldy 23 jeltoqsan saǵat 07:00-de qaıta ashý josparlanyp otyr.

Sonymen qatar 2025 jylǵy 23 jeltoqsan saǵat 00:00-den bastap osy avtojoldyń 1646-1806 shaqyrym aralyǵynda, Josaly aýylynan Qyzylorda qalasyna deıingi bóliginde de kóliktiń barlyq túriniń qozǵalysyna shekteý qoıylady. Bul ýchaskeni de 23 jeltoqsan saǵat 07:00-de ashý kózdelgen.

- Júrgizýshilerden jolǵa shyǵar aldynda aýa raıy jaǵdaıyn eskerip, qozǵalys shekteýleri týraly jedel aqparatty qadaǵalaýdy suraımyz, - dep eskertti QazAvtoJoldan.

Aıta keteıik, boran men kóktaıǵaqqa baılanysty Qazaqstannyń barlyq óńirine eskertý jarııalandy.