Qyzylorda oblysynda iri kólemde esirtki saqtaý jáne taratý faktileri anyqtaldy
QYZYLORDA. KAZINFORM — «Nashaqorlyqqa jol joq!» jobasy aıasynda Aral aýdandyq prokýratýrasynyń úılestirýimen Qyzylorda oblysynyń PD-niń uıymdasqan qylmysqa qarsy kúres basqarmasynyń qyzmetkerleriniń qatysýymen esirtki tasymalynyń joly kesildi. Bul týraly Qyzylorda oblysy prokýratýrasy málim etti.
Samara-Shymkent tas joly boıynda Shıja eldi mekeniniń tusynda esirtki saqtady degen kúdikpen avtokólik toqtatylyp, júrgizýshini tekserý barysynda 9 polıetılen paketke oralǵan salmaǵy 557 gr. bolatyn keptirilgen marıhýana anyqtalyp, aıǵaqzat retinde alyndy.
Іri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz tasymaldaý faktisi boıynsha Qazaqstan Respýblıkasy Qylmystyq kodeksiniń 297-babynyń 2-bóligimen qylmystyq is tirkelip, kúdiktige qatysty «kúzetpen ustaý» bultartpaý sharasy qoldanyldy.
Eske sala keteıik, buǵan deıin Aqtaýda jıhaz tsehynda esirtki ekken turǵyn anyqtalǵanyn jazǵan bolatynbyz.