Qyzylorda oblysynda iri esirtki alqaby joıyldy

QYZYLORDA. KAZINFORM – “Qarasora – 2024” jedel-profılaktıkalyq is-sharasy barysynda QR ІІM EQQІQD jáne Qyzylorda oblystyq PD esirtki qylmysyna qarsy is-qımyl basqarmasynyń qyzmetkerleri birlesip, Syrdarııa aýdanynyń dalalyq jerinde iri esirtki alqabyn anyqtady, dep habarlaıdy Polisia.kz.

Oqıǵa ornynda 22 jastaǵy eki turǵyn ustaldy. Tekserý barysynda jedel-tergeý toby quramynda esirtki bar ósimdikterdiń 1237 túbin anyqtady.

Polıtseılermen oqıǵa ornynda iri esirtki alqabynan bólek ydys-aıaqtar, esirtki zatyn ósirýge jáne tutynýǵa arnalǵan qural-saımandar: shlang, sý aıdaýǵa arnalǵan motor, benzın, qapqa salynǵan tynaıtqysh jáne patrondarymen 16 kalıbrli qos aýyzdy tirkeýde joq ańshy myltyǵy anyqtaldy.

Sonymen qatar 1237 túp soranyń jalpy salmaǵy saraptama qorytyndysyna sáıkes 503 keli bolyp shyqty.

Kúdiktiler ýaqytsha ustaý ızolıatoryna qamaýǵa alyndy.

Atalǵan derek boıynsha sotqa deıingi tergep-tekserý áreketteri júrgizildi. Qylmystyq is sotta qaralyp, aıyptalýshylar óziniń kinásin moıyndady. Olar kináli dep tanylyp, 4 jyl merzimge bas bostandyǵynan aıyryldy.