Qyzylorda oblysynda polıtseıdiń máıiti tabyldy
QYZYLORDA. KAZINFORM — Qyzylorda oblysynyń Aral aýdanynda polıtsııa qyzmetkeriniń máıiti tabylǵany týraly aqparat tarady.
Aqparatty oblystyq polıtsııa departamenti rastady.
— Aral aýdanynda turmystyq janjal barysynda ýchaskelik polıtsııa ınspektoryna dene jaraqattary salynyp, sonyń saldarynan ol qaıtys boldy. Oqıǵa kezinde qyzmetker eńbek demalysynda bolǵan. Qylmystyq is qozǵaldy. Kúdiktiniń jeke basy anyqtaldy, ony ustaý boıynsha tıisti sharalar qabyldanyp jatyr, — delingen habarlamada.
Buǵan deıin kúdikti otbasylyq-turmystyq qatynas salasyndaǵy quqyqbuzýshylyqtary úshin qaıtys bolǵan ýchaskelik ınspektor tarapynan birneshe ret ákimshilik jaýapkershilikke tartylǵan. Oǵan qatysty qorǵaý nusqamalary da shyǵarylǵan.
Aıta keteıik, 29 maýsym kúni Almaty oblysynyń Uzynaǵash aýylynda erler ájethanasynan 21 jastaǵy boıjetkenniń máıiti tabyldy.
