Qyzylorda oblysynda óz mindetin oryndamaǵan josyqsyz uıymdardan 40 mln teńge óndirildi

ASTANA. KAZINFORM - Qyzylorda oblysynyń prokýratýrasy óz mindetin oryndamaǵan josyqsyz uıymdardan 40 mln teńgege jýyq qarjy óndirdi.

Prokýratýra tarapynan óńir ákimdikterimen óz mindetin oryndamaǵan 25 áleýetti ónim berýshiden 2023 jyldan beri 40 mln teńge turaqsyzdyq aıybyn óndirýge shara qoldanylmaǵanyn anyqtady.

Oblys ákimdigine engizilgen usynýdyń qaralý qorytyndysymen 40 mln teńge aıypty óndirý úshin sotqa talap berildi. Buzýshylyqqa jol bergen 16 qyzmetker túrli tártiptik jaýaptylyqqa tartyldy.

Sondaı-aq Qyzylorda oblysynyń prokýratýrasy ınvestıtsııalyq jobalardy súıemeldeýdi júzege asyrýda.

«Óńirde «Bısenáli» JK-men naýbaıhana men qoımalardyń qurylysyn salý ınvestıtsııalyq jobasy júzege asyrylýda. Investıtsııa kólemi 300 mln teńgeni quraıdy, ony iske asyrý 28-den astam jumys ornyn ashýǵa múmkindik beredi. Qazaly aýdanynyń prokýratýrasy «Áıteke bı kentiniń ákimdigi» ınvestordyń jer ýchaskesin paıdalaný merzimin uzartýdan negizsiz bas tartqany anyqtady. Jergilikti atqarýshy organ jer paıdalaný quqyǵyn uzartý týraly ótinish berý merzimi aıaqtaldy dep qate eseptegen. Prokýratýranyń qadaǵalaý aktisiniń negizinde jerdi paıdalaný merzimi uzartyldy jáne kináli qyzmetker tártiptik jaýaptylyqqa tartyldy», - dep málim etti oblystyq prokýratýradan.

Eske salsaq, Qyzylorda oblysynda bıyl ınternet-alaıaqtyq qylmysynyń 199 deregi tirkelgen.