Qyzylorda oblysynda otbasynda janjal shyǵarǵan 79 adam esepke alyndy
QYZYLORDA. KAZINFORM - Qyzylorda oblysynda «Turmys» jedel-profılaktıkalyq is-sharasynyń 5 kúninde otbasynda janjal shyǵarǵan 79 adam esepke alyndy.
Atalǵan is-shara barysynda 635 adam tekserýmen qamtylyp, otbasynda turmystyq janjal shyǵarǵan 79 adam esepke alyndy.
«Otbasy, turmystyq qarym qatynastar salasynda ákimshilik quqyq buzýshylyq jasaǵany úshin 91 adam jaýapkershilikke tartyldy. Túngi mezgilde zańdy ókilderiniń erip - júrýinsiz turǵylyqty meken-jaıynan tys jerde júrgeni úshin 100 kámelet jasqa tolmaǵandardyń ata-anasy jazalandy. Masań kúıde qoǵamdyq oryndarda júrgeni nemese ishkeni úshin 38 azamatqa qatysty ákimshilik hattamalar rásimdeldi», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda 25 páterge túsken ury ustaldy.
