Qyzylorda oblysynda oqýshylar men stýdentterge sabaq onlaın ótkiziledi

Qyzylorda oblysynda aýa raıynyń qolaısyzdyǵynan mektep oqýshylary men kolledjderdiń 1,2 kýrs stýdentteri sabaqty onlaın ótetin boldy, dep habarlaıdy Kazinform.

Sınoptıkterdiń boljamy boıynsha, 13-15 jeltoqsan aralyǵynda Qyzylorda oblysynda sekýndyna 18-21 metr jyldamdyqpen ekpindi jel soǵady. Al, aýanyń temperatýrasy túnde -18-23 gradýsty kórsetedi. Ol oblystyń soltústiginde -26 gradýs aıazdy kórsetse, kúndiz -10-15 0S aıaz kútiledi.

«Osyǵan baılanysty oblystyń barlyq aýdany men Qyzylorda qalasyndaǵy mektepterdiń (memlekettik, jekemenshik) 0-11 synyp oqýshylary, barlyq kolledjdiń (memlekettik, jekemenshik) 1, 2 kýrs stýdentteri 13-15 jeltoqsan aralyǵynda kúngi qashyqtyqtan oqytý formatynda ótedi. Bilim berý mekemeleriniń basshylaryna tıisti tapsyrmalar berildi. Pán muǵalimderi kúndelikti jumys oryndarynda onlaın sabaq ótetin bolady», - dep málim etti Qyzylorda oblystyq bilim basqarmasynan.

Eske salsaq, budan buryn 12 jeltoqsanda Qyzylorda oblysynyń oqýshylary qashyqtan bilim aldy.