Qyzylorda oblysynda negizsiz alynǵan 150 mln teńge sýbsıdııa qaıtaryldy

QYZYLORDA. KAZINFORM - Qyzylorda oblysynyń prokýratýrasy tarapynan júrgizilgen tekserý nátıjesinde negizsiz alynǵan 150 mln teńge sýbsıdııa memleket paıdasyna qaıtaryldy.

Oblystyq prokýratýra oblystyq aýyl sharýashylyǵy jáne jer qatynastary basqarmasynyń bıýdjet qarajatyn paıdalaný zańdylyǵyn tekserdi.

- Nátıjesinde agroónerkásiptik keshendi damytýdyń ulttyq jobasyn iske asyrýǵa bólingen sýbsıdııalardy negizsiz berý deregi anyqtaldy. Atap aıtqanda, sharýashylyqtar tarapynan sýbsıdııa alý kezinde shynaıy emes málimetter usyný faktisi belgili boldy. Atalǵan zań buzýshylyqtar sot talqylaýy kezinde óz dálelin tapqan. Soǵan qaramastan oblystyq mamandandyrylǵan aýdanaralyq ekonomıkalyq soty sharýashylyqtardan negizsiz alynǵan sýbsıdııa somasyn keri qaıtarmaı, zań talabyna qaıshy sot sheshimin qabyldaǵan. Osy rette prokýrorlyq narazylyqtan keıin apellıatsııalyq saty sotymen birinshi saty sotynyń sheshimine ózgeris engizildi. Sol arqyly memleket paıdasyna 150 mln teńge óndirildi, - dep málim etti oblystyq prokýratýradan.

Eske salsaq, budan buryn Qyzylordada bıýdjet qarajatyn jymqyrǵan bas esepshige qylmystyq is qozǵaldy.